Запрашаем вас наведаць выставу ‘Я не баюся, няхай яны баяцца’, прысвечаную Алесю Бяляцкаму - заснавальніку і кіраўніку Праваабарончага цэнтра «Вясна», лаўрэату Нобелеўскай прэміі міру 2022 года.

Галоўная мэта мерапрыемства - праз медыяпрэзентацыі вобраза і ідэй Алеся Бяляцкага, расказаць пра глабальныя праблемы сучасных беларускіх рэалій - у Беларусі больш за паўтары тысячы палітычных зняволеных, а таксама дзесяткі тысяч чалавек, якія праходзяць праз палітычныя рэпрэсіі за свае перакананні.

Выстава пройдзе з 13 ліпеня па 9 жніўня ў Het Atrium Den Haag, Spui 70, Den Haag (хемента Гаагі, уваход Forum zijde) і будзе адкрыта падчас працоўнага часу Atrium City Hall. Уваход вольны.

Адкрыццё выставы адбудзецца 13 ліпеня ў 13:00. Падчас адкрыцця з прамовамі на ангельскай мове выступяць: Ілля Шчарбіцкі (прадстаўнік MÁRA), Валерыя Калеснік (палітычная ўцякачка з Беларусі). Акрамя гэтага будуць прысутнічаць некаторыя палітыкі і прадстаўнікі грамадскіх арганізацый Нідэрландаў. Калі хочаце прыйсці на адкрыццё, калі ласка, зарэгіструйцеся загадзя праз events@belarusians.nl

Су-агранізатары выставы: Маланка Медыя, Atrium City Hall, MÁRA - Vereniging van Belarusen in Nederland.

Пры падтрымцы Еўракамісіі.